Birbank-dan bir ilk | Eşitmə və nitq məhdudiyyətli şəxslərin banka getməsinə ehtiyac qalmayacaq

"Birbank" Azərbaycanda bank sektorunda inklüzivliyin artırılması istiqamətində inqilabi yeniliyə imza atıb. İlk dəfə olaraq eşitmə və nitq məhdudiyyətli şəxslər üçün "İşarət dili ilə videozəng xidməti" istifadəyə verilib. Bu xidmət sayəsində həmin şəxslərin banka getməsinə ehtiyac qalmayacaq, onlar bütün bank əməliyyatlarını məsafədən, birbaşa işarət dili ilə sərbəst şəkildə həyata keçirə biləcəklər. Layihə çərçivəsində bankın əməkdaşları 3 aylıq intensiv işarət dili təlimlərindən keçərək peşəkar ünsiyyət bacarıqlarına yiyələniblər. Baku TV-nin reportajında rəqəmsal texnologiyaların fiziki maneələri necə aradan qaldırdığı və inklüziv bankçılığın gələcək perspektivləri ətraflı təhlil olunur. Bu addım ölkədə xidmət mədəniyyətinin inkişafına mühüm töhfə kimi qiymətləndirilir.