Bolt-dan ermənipərəst addım: Azərbaycan paytaxtını Ermənistan olaraq qeyd etdilər
“Bolt” taksi şirkətinin Azərbaycandakı mobil tətbiqində ermənilərin ölkəmizə qarşı növbəti təxribatı aşkarlanıb.
Tətbiqdə Bakı ərazisində ünvan axtarışı zamanı “Бакуракерт, Армения” adlı adres göstərilib.
“Report” İnformasiya Agentliyi şirkətin Estoniyada yerləşən baş ofisinə sorğu göndərib. Cavab olaraq “Bolt” tətbiqinin “Google” xəritələri əsasında çalışdığı və bu ünvanın avtomatik olaraq tətbiqdə göründüyü bildirilib.
"Tətbiqdəki bu səhvi gördüyünüz üçün təşəkkür edirik", – deyə şirkətin açıqlamasında qeyd olunub. Həmçinin səhvin tezliklə aradan qaldırılacağı və adıçəkilən ünvanın tezliklə mobil tətbiqdən silinəcəyi deyilib. Bundan sonra ünvan silinib və daha bir təxribatın qarşısı alınıb.
Qeyd edək ki, ermənilər Bakı şəhərini Bakurakert adlandıraraq Azərbaycan paytaxtının Ermənistanda hökmranlıq etmiş Bakurinin adını daşıdığını iddia edirlər. Başqa bir iddiaya görə, Bakurakert Ermənistanda yerləşən şəhər adı kimi qeyd olunur.
![icon](/images/loading.png)