Britaniyada ən çox satılan yeni model | Ənənəvi avtomobil nəhənglərinə güclü rəqib gəldi - Baku TV

Çin avtomobil istehsalçıları Avropa bazarında tarixi nəticəyə imza atıblar. Çin markaları 2026-cı ilin üçüncü rübündə ilk dəfə olaraq bütöv bir rüb ərzində avtomobil qeydiyyatlarının sayına görə Yaponiya istehsalçılarını geridə qoyublar.

Bu barədə “Bloomberg” agentliyi “Dataforce” bazar araşdırmaları şirkətinin məlumatlarına istinadən xəbər verib.

Məlumata görə, Çin avtomobil markalarının Avropa bazarındakı payı 12,7 faizə yüksəlib. Yaponiya istehsalçılarının göstəricisi isə 11,9 faiz təşkil edib.

Çin avtomobillərinin uğuru Böyük Britaniya bazarında da özünü göstərir. Belə ki, 2026-cı ilin sentyabrında Çinin “JAECOO 7” modeli 10 814 qeydiyyatla ölkədə ən çox satılan yeni avtomobil olub. İlin ilk doqquz ayının nəticələrinə görə isə model 39 474 qeydiyyatla “Ford Puma”dan sonra ikinci yerdə qərarlaşıb.

OMODA və JAECOO markaları da Britaniya bazarında rekord nəticə göstəriblər. Sentyabr ayında hər iki markanın ümumi qeydiyyat sayı 22 296 avtomobilə çatıb. Bu, ötən ilin eyni dövrü ilə müqayisədə 106 faiz artım deməkdir. Markaların ümumi bazar payı isə 6,37 faiz təşkil edib.

Çin avtomobillərinə marağın artması Azərbaycan bazarında da özünü göstərir. OMODA və JAECOO markalarının Azərbaycandakı rəsmi distribütoru “iMotors” vasitəsilə “JAECOO J7” və “OMODA C7” modelləri yerli alıcılara təqdim olunur.

Böyük Britaniyada satış rekordları qıran Çin krossoverləri Azərbaycan avtomobil bazarında necə qarşılanır?