Bu 3 məlumatı heç kimlə paylaşmayın | DİM-dən kibertəhlükəsizlik xəbərdarlığı - Baku TV

Dövlət İmtahan Mərkəzi (DİM) elektron xidmətlərdən istifadə edən şəxslərə kibertəhlükəsizliklə bağlı xəbərdarlıq edib.

Qurumun məlumatına görə, son dövrlərdə zərərli proqramların yayılması və müxtəlif kiberhücumların artması şəxsi məlumatların qorunmasını daha da vacib edib.

DİM istifadəçilərə elektron xidmətlərə və "Şəxsi kabinet"lərinə yalnız etibarlı internet şəbəkələri və təhlükəsiz cihazlar vasitəsilə daxil olmağı tövsiyə edir. Xüsusilə internet klublarda və ictimai istifadə üçün nəzərdə tutulmuş kompüterlərdə şəxsi hesablara daxil olmaqdan çəkinmək məsləhət görülür.

Qurum həmçinin istifadəçilərə hesabların giriş məlumatlarını, şifrələri və təsdiq kodlarını başqa şəxslərlə paylaşmamağı, tanımadıqları şəxslərdən və şübhəli mənbələrdən gələn keçidlərə (linklərə) daxil olmamağı tövsiyə edir.

DİM bildirir ki, şəxsi məlumatların qorunması yalnız informasiya sistemlərinin texniki müdafiəsindən deyil, istifadəçilərin də təhlükəsizlik qaydalarına əməl etməsindən asılıdır.

Qurum elektron xidmətlərdən istifadə zamanı diqqətli olmağa və şəxsi məlumatların təhlükəsizliyinə məsuliyyətlə yanaşmağa çağırıb.