Bu gün Baku.ws saytının yaranmasından 21 il ötür

5 yanvar “Baku.ws” saytının fəaliyyətə başlamasından 21 il ötür.

“Baku.ws” yarandığı ilk günlərdən məhdud kollektiv və imkanlarla ölkənin internet resursları arasında öz sözünü deməyi bacarıb. Peşəkarlıq və operativlik yarandığı ilk günlərdən “Baku.ws”ə populyarlıq qazandırıb.

Bu gün “Baku.ws” Azərbaycan və rus dillərində fəaliyyət göstərən ən oxunaqlı, operativ və etibarlı xəbər istehsalçılarından biridir. Media orqanında Azərbaycanın siyasi, iqtisadi, sosial, mədəni və idman həyatına dair xəbər, analitik yazı, reportaj, müsahibə və araşdırmalar, eyni zamanda regionda və dünyada baş verən ən son xəbərləri izləmək mümkündür.

Daim eksklüziv xəbərlərlə oxucuların rəğbətini və etimadını qazanan “Baku.ws” 21 il ərzində Azərbaycan seqmentində etibarlı xəbər resurslarından birinə çevrilərək statusunu bu günə kimi qoruyub saxlayır.