Bu istidə sərnişinin halı necə pisləşməsin? | Marşrutlardakı kondisioner niyə işləmir?

İsti yay günlərində sərin, rahat avtobuslarda getmək bütün sərnişinlərin haqqıdır.

Amma təəssüf ki, bəzi marşrutlarda bu məsələ əsl problemə çevrilib. İllərdir düzələcək deyilsə də, bu vəd yalnız sözdə qalıb.

Artıq sürücülər də bu vəziyyətdən narazı olduqlarını bildiriblər.

“Bu avtobuslarda kondisionerlər olmur. İstidə bişə-bişə gedib-gəlirik. Tər içindəyik. Elə sərnişinlər olur ki, istiyə görə halları pisləşir”, – avtobus sürücüsü deyib.

Məsələ ilə bağlı daşıyıcı şirkətlər və aidiyyəti qurumdan bildirilib ki, avtobuslar köhnə olduğu üçün onlarda kondisioner yoxdur. Nəqliyyat vasitələri yeniləri ilə əvəzləndikdə bu problem həllini tapacaq.