Bu qidalar insanı ölümə sürükləyir | Mütəxəssislərdən mühüm xəbərdarlıq

Həddindən artıq şəkər və yağdan istifadə bədəndə karbohidrat qlikogenin yığılmasına səbəb olur. Karbohidrat qlikogen isə ağciyər xərçəngində şiş hüceyrələrini “qidalandırır”.

Florida Universitetinin Qabaqcıl Məkan Biomolekulyar Tədqiqatlar Mərkəzinin direktoru Ramon San bildirib ki, ağciyər xərçəngi ənənəvi olaraq qidalanma ilə əlaqəli bir xəstəlik kimi qəbul edilmir. Bu yanlış təsəvvürü təkzib etmək üçün elm adamları hüceyrə xətləri üzərində bir sıra təcrübələr aparıblar.

Əsasən beyin qabığında neyronların inkişafının və qlikogen mübadiləsinin pozulmasına səbəb olan Lafora xəstəliyinin inkişaf mexanizmi tədqiq edilib. Alimlər müxtəlif xərçəng növlərində qlikogenin böyük miqdarda yığıldığını müşahidə ediblər. Xərçəng hüceyrələrində qlikogen nə qədər çox olarsa, şiş bir o qədər sürətlə böyüyür.

Tədqiqatçılar belə nəticəyə gəliblər ki, qida elementləri ilə zəngin pəhrizə üstünlük vermək, aktiv həyat tərzini qorumaq və spirt istehlakını minimuma endirmək uzunmüddətli sağlamlıq üçün fundamental strategiya hesab olunur.