Pleyeri seçin:
“Bu rəng uğur gətirəcək” | 2026-cı ildə hansı rənglər və geyim tərzi dəbdə olacaq? - Baku TV
Yeni ildə təkcə təqvim yox, həm də trendlər dəyişilir. 2026-cı ilin dəbi artıq çoxlarının marağındadır.
Bəs bu il hansı geyim tərzi və rənglər dəbdə olacaq?
Modelyer Fəxriyyə Xələfovanın sözlərinə görə, 2026-cı ildə sumaq, zümrüd və dəniz dalğası rəngləri əsas trendlər sırasındadır və geyim kolleksiyalarında tez-tez müşahidə olunur:
“Ümumilikdə 2026-cı ildə əsasən əlvan rənglər üstünlük təşkil edəcək. Bu rənglər arasında qırmızı xüsusi yer tutur. Hətta xanımlar üçün klassik geyimlər belə al qırmızı çalarlarda təqdim olunur. Bu rəngin güclü enerji verdiyi bildirilir və astroloqların fikrincə, qırmızı həm də uğur gətirir”.
O bildirib ki, bu il çantalar daha böyük ölçülərdə təqdim ediləcək:
“Əvvəlki illərdə çanta ilə ayaqqabının eyni rəngdə olması dəb sayılırdısa, 2026-cı ildə bu tendensiya aradan qalxır. Tövsiyə olunur ki, həm geyim, həm də aksesuarlarda müxtəlif rənglərdən istifadə olunsun, amma onların arasında harmoniya qorunsun”.
Kopyalandı
#Fəxriyyə Xələfova teqi istifadə olunub
Seçilmişlər
