Bu səbəblər kimsənin ağlına gəlmirdi | Sovet dövrünün adamları niyə uzunömürlü idi?

Sovet dövründə yaşamış insanların həyatında geniş yayılmış bəzi vərdişlər ömrü uzatmaq baxımından çox təsirlidir.

Nevroloq Viktor Şaxnoviç bu vərdişlərdən bəzilərini açıqlayıb.

“Sovet dövründə adi olan vərdişlərdən biri də konkret olaraq sərin su ilə yuyunmaq idi. Prosedur qan damarlarını yaxşı məşq etdirir, onların drenaj funksiyasını artırır. Soyuq su baş ağrılarını, bel ağrılarını, oynaqları və hətta depressiyanı müalicə edir”, ‒ o deyib.

Daha bir faydalı sovet vərdişi axşam tez yatıb səhər tezdən oyanmaqdır.

Mütəxəssis izah edib ki, bu vəziyyətdə bədən xüsusilə effektiv şəkildə melatonin istehsal edir ‒ tez yuxuya getməyə və keyfiyyətli dərin yuxuya sahib olmaqdan məsul olan hormona bənzər bir maddə:

“Bu vərdişə əməl edən insan daha yaxşı yatır, yuxusuzluğa daha az meyllidir və aktiv maddələr mübadiləsi apararaq artıq çəkinin qarşısını alır. Bundan əlavə, yaxşı yuxu ürək sağlamlığını yaxşılaşdırır və güclü psixikanın qorunması üçün son dərəcə vacibdir.

Sovet insanlarının sevimli hobbilərindən biri olan xizək sürmək ömrü uzatmağa kömək edir. Xizək sürmək qan dövranını yaxşılaşdırır və nevroloji xəstəliklərə qarşı yaxşı profilaktik tədbirdir. Bu, ürək-damar sistemi üçün çox faydalıdır”.