Bu tarixlərdə leysan yağacaq | Hava haqqında məlumat

Mayın 16-17-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir.

Bu barədə Milli Hidrometeorologiya Xidmətindən məlumat verilib.

Bildirilib ki, mayın 15-dən 16-na keçən gecə bəzi yerlərdə qısamüddətli yağış yağacağı, şimşək çaxacağı ehtimalı var. Mülayim şimal-qərb küləyi 17-si gündüz cənub-qərb küləyi ilə əvəz olunacaq. Havanın maksimal temperaturu 17-22 dərəcə isti olacaq.

Mayın 16-da yağıntılı hava şəraiti davam edəcək, şimşək çaxacaq. Ayrı-ayrı yerlərdə yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var. Axşama doğru yağıntılar tədricən kəsiləcək.

Mayın 17-si gündüz əksər rayonlarda yağmursuz hava şəraiti müşahidə olunacaq. Havanın maksimal temperaturu Aran rayonlarında 20-25, dağlıq ərazilərdə isə 5-10 dərəcə isti olacaq.