Pleyeri seçin:
Burak Özçivit məni dəstəklədi | Şamil Cəfərovun "Kuruluş Osman"da başına nə gəldi?
“Arzunun vaxtı” verilişinin budəfəki qəhrəmanı Türkiyənin məşhur “Kuruluş Osman” serialında rol alan Şamil Cəfərovdur.
Verilişdə o, seriala necə dəvət almasından və sözügedən layihənin baş rol ifaçısı Burak Özçivitlə olan dostluğundan söz açıb:
“Kuruluş Osman”ın prodüseri Mehmet Bozdağ Bakıya gəlmişdi. Təsadüfən onunla tanış olduq. Mənə serialda oynamağı təklif edəndə qəbul etdim. Burak Özçivitlə də “Kuruluş Osman”da tanış oldum. O, yaxşı dostdur, məni çox dəstəkləyib. Seriala daxil olanda Burak tərəfindən yaxşı qarşılandığım üçün kollektiv məni aralarına aldı”.
Şamil Cəfərov həmçinin işinin çətinliklərindən bəhs edib:
“Gün ərzində 8-10 saat işləyirik. Ağır kostyumlarla oynayırıq. Elə olub ki, çəkiliş zamanı xəsarət də almışam. Mən at çapa bilmirdim. Bu haqda sual veriləndə yalandan sürə bildiyimi söylədim. Buna görə çəkiliş zamanı çətinlik çəkdim, hətta atdan da düşmüşəm. Əgər işini sevməsən, bu çətinliklərə dözmək mümkün deyil”.
Kopyalandı
Seçilmişlər
