“Bütün pulumu universitet alır” | Gəlirimiz bəs etmirsə, nə etməliyik?

Maaşı alırsınız, amma ay tamam olmamış tükənir.

Tez-tez şikayət etdiyimiz problemin səbəbləri daim bizi düşündürür. Hər bir fərdin gəliri ailə büdcəsini formalaşdırdığından öncə “Büdcə necə bölüşdürülməlidir?” sualına cavab axtarmalıyıq.

İqtisadçılar maliyyə savadlılığının aşağı olmasından planlaşdırılmamış xərclərə daha çox yer verildiyini əsas göstərirlər.

“Ailə öz xərclərini planlaşdırarkən minimal ödənişlərə diqqət yetirməlidir. Büdcəsi az olanlar əlavə öhdəliklər götürməməlidirlər. Xüsusilə də ərzaq, nəqliyyat, kommunal, kredit ödəmələri aylıq xərcin içində nəzərə alınmalıdır”, – deyə iqtisadçı Xalid Kərimli bildirib.

Baku TV paytaxt sakinləri arasında gəlirin idarə edilməsi ilə bağlı sorğu da keçirib.

Vətəndaşlar “3 çanta sifariş etmişdim, sonra düşündüm ki, bu mənə lazım idi?!”, “Bütün pulumu universitetə xərcləyirəm”, “Pulum ən çox yeməyə və siqaretə çıxır” kimi fikirlər səsləndiriblər.