Buzlu və qarlı yolları qabarlı əllər təmizlədi | Rəsmi qurum nə dedi?

“Bakı Şəhər İcra Hakimiyyətində yaradılmış qərargahla 24 saat əlaqə saxlayırlar. 60-dan çox nəqliyyat vasitələri mövcuddur. 6 min tondan çox duz ehtiyatımız var”.

Bu sözləri Bakı Şəhər Mənzil-Kommunal Təsərrüfatı Departamentinin əməkdaşı Mübariz Hüseynov qar yağmazdan 3 gün öncə demişdi.

Yanvarın 14-15-i qar yağanda isə paytaxtın mərkəzi prospektində qarın və buzun təmizlənməsi üçün texnika əvəzinə əl əməyindən istifadə olunub.

Bəs vəd edilən xüsusi texnika harada idi?

Bununla bağlı Bakı Şəhər Mənzil-Kommunal Təsərrüfat Departamentindən bildirilib ki, şaxtalı hava şəraitində qarın təmizlənməsi və xüsusi təyinatlı texnika vasitəsi ilə yollara duz səpilməsi həyata keçirilib. Məhəllədaxili yollarda və binaların həyətlərində isə rayon mənzil-kommunal təsərrüfat birlikləri tərəfindən təmizlənmə işləri aparılıb.