Çexiyada həbsdə olan azərbaycanlı avtoritetlə bağlı qərar verildi

Çexiyanın ədliyyə naziri Pavel Blazek Gürcüstan vətəndaşı olan kriminal avtoritet Polad Ömərovun ABŞ-yə ekstradisiya edilməsi haqqında əmr imzalayıb. Bu barədə Çexiyanın “Pravo” qəzeti yazıb.

Əslən azərbaycanlı olan P.Ömərovun yaxın bir neçə gün ərzində ekstradisiya prosesi həyata keçirilməlidir. Barəsində beynəlxalq axtarış qərarı olan kriminal avtoritet 2023-cü ilin yanvarında Çexiyada saxlanılıb və həmin vaxtdan həbsdədir.

ABŞ prokurorları onu Şərqi Avropadan olan və İran hakimiyyəti ilə əlaqəli 3 kriminal avtoriteti ABŞ-də yaşayan iranlı jurnalist və hüquq müdafiəçisi Məsih Əlinejadın qətlini planlaşdırmaqda ittiham edir. Praqa Şəhər Məhkəməsi mayın sonunda Polad Ömərovun ABŞ-yə, o cümlədən Gürcüstan və Qazaxıstana ekstradisiya oluna biləcəyinə dair qərar çıxarıb. Bu ölkələr də onun cinayət məsuliyyətinə cəlb olunması üçün Çexiyadan ekstradisiyasını tələb edirlər.

Çexiya mətbuatı yazır ki, P.Ömərov Rusiya və Ukraynadakı azərbaycanlı icmalara qarşı terror törədən mütəşəkkil cinayətkar qrupa rəhbərlik edib.