Cinsi gücü artıran, qadınları başdan çıxaran ətirlər - ARAŞDIRMA

Ətrafımızda olan hər şeyin ətri var: güllərin, otların, yağışın, soyuğun belə.

Qədimdə insanlar ətirlərdən iki halda istifadə edirdilər: dini ayinlər zamanı və məişətdə. Məişət dedikdə elə başa düşülməməlidir ki, ətirlər hamı üçün əlçatan idi. Gözəl rayihələrdən ancaq zadəganlar istifadə edə bilirdilər.

Ehtimallara görə, ətirlərin hazırlanması Yaxın Şərqlə bağlıdır. Orada afersimon aromalarının hazırlanmasının reseptlərini bilirdilər. Kralları məst etmək üçün bu sirli bitkidən hazırlanmış qiymətli məlhəmlərdən istifadə olunurdu. Məhsulun hazırlanma resepti gizli saxlanılırdı.

Ətriyyatçı Murad Məsud “Tövrat”da belə adı çəkilən afersimonun qadağan olunması haqqında danışıb: “22-25-ci ayələrdə bu haqda yazılıb. Yehova Musaya məbədi və orada ibadət edənləri qoxulandırmaq üçün ətir hazırlamağı tapşırır. Ona afersimondan da istifadə etməyini deyir. Sonuncu ayədə deyilir ki, bu ətri digər məqsədlər üçün hazırlamaq qadağandır və kim bunu etsə, öldürülməlidir. Bu tarixdə ilk, bəlkə də yeganə qadağan olunan ətirdir”.