COVID-19 pasportu tələbi ləğv edildi

Xüsusi karantin rejimində bəzi məhdudiyyətlər aradan qaldırılıb. Bununla bağlı qərarı Baş nazir Əli Əsədov imzalayıb.

Sənədə əsasən, martın 28-i saat 06:00-dan etibarən hava nəqliyyatı vasitəsilə bütün xarici ölkə vətəndaşları və həmin ölkələrdə daimi yaşayan digər ölkə vətəndaşlarının, habelə vətəndaşlığı olmayan şəxslərin ölkəmizə giriş-çıxışına icazə verilir.

Xarici ölkə vətəndaşları və həmin ölkələrdə daimi yaşayan digər ölkə vətəndaşlarının, habelə vətəndaşlığı olmayan şəxslərin Azərbaycana girişi zamanı, şənlik mərasimləri keçirilən məkanlar, idman və sağlamlıq-bərpa obyektləri, iri ticarət mərkəzləri, ictimai iaşə obyektləri, mehmanxanalar, şəhərlərarası (rayonlararası) nəqliyyat marşrutları və belə tələb müəyyən edilən digər yerlər də daxil olmaqla COVID-19 pasportu tələbi ləğv edilir.