site.post.choose_player
Çoxlu azərbaycanlı burada... | Bakıda rus mühacirlərin həyatı canlandırılacaq
Payızda Azərbaycanın paytaxtında 20-ci əsrin əvvəllərində rus mühacirlərin ağır taleyindən bəhs edən “Konstantinopol” tarixi serialının çəkilişləri keçiriləcək.
Bu haqda Rusiyanın “NTV” telekanalının baş prodüseri Timur Vaynşteyn deyib.
O bildirib ki, serialda XX əsrin əvvəllərində rusiyalı mühacirlərin çətin taleyindən danışılır:
“Sentyabr və oktyabr aylarında çəkilişlər olacaq. Filmdə çox sayda azərbaycanlı sənətçi çəkilir. Çəkilişlər zamanı Bakı 1918-20-ci illərin İstanbuluna çevriləcək. Bu, çox işdir, serial Rusiya televiziyalarında ən çox gözlənilən ekran işlərindən biridir”.
On seriyadan ibarət layihənin rejissoru Sergey Çekalovdur. Çoxhissəli film 1920-ci ilin noyabrında baş qəhrəman Sergey Neratov da daxil olmaqla, sürgündə olan rus ağqvardiya zabitləri və mülki mühacirlərin İstanbuldan sağ çıxmağa çalışdığı hadisələrdən bəhs edəcək.
Detektiv dramda Aleksandr Ustyuqov, Oksana Akinşina, Kirill Kyaro və Sergey Marin rol alacaqlar.
site.post.link_copied
site.post.chosen_posts
