Cəmiyyət
Pleyeri seçin:
Danla Bilic Bakıdakı qalmaqalla bağlı açıqlama yaydı | Şəxsiyyətimə edilən yersiz zarafatları...
Türkiyəli bloger Danla Bilicin Bakıda tədbirlərin birində onunla şəkil çəkdirmək istəyənləri “zooparkdakılar” deyə adlandırdığı iddia olunub.
O, ilk dəfə bununla bağlı paylaşım edib: “Azərbaycanı da, insanlarını da həmişə çox sevdim. Buna görə də tədbirlərin birində model kimi iştirak etmək üçün qaçaraq oraya getdim. Səhnədə şəxsiyyətimə edilən yersiz aşağılamaları və zarafatları sizi çox sevdiyimdən, tədbirin problemsiz keçməsi üçün görməməzlikdən gəldim. Orada olanlar məni başa düşəcəklər”.
D.Bilic bildirib ki, onun adına həyatında görmədiyi və tanımadığı insanlara, markalara, sponsorlara paylaşım sözü verilib.
“O da az deyilmiş kimi azərbaycanlılar üçün “zooparkdakılar” dediyimi iddia etdilər. Ümid edirəm, bir gün bunu sizin üçün həqiqətən kimin dediyini açıqlaya biləcəklər. Digər eşitdiklərim mənə qalsın və təcrübə olsun. Hələlik susuram. Sizi sevirəm”, – deyə tanınmış bloger paylaşımında qeyd edib.
Kopyalandı
Seçilmişlər
