“Dedim ki, yiyəsi bilsə, sizi...” | Bina tikənlər sakinlərin həyatını heçə sayır? - Baku TV

Abşeron rayonunun Masazır qəsəbəsi, Rafiq Dünyamalıyev küçəsindəki həyət evlərinin sakinləri mənzillərinə bitişik ərazidə aparılan çoxmərtəbəli bina tikintisindən narazıdırlar.

Sakinlər təməl mərhələsində olan tikinti ilə öz evləri arasındakı məsafənin cəmi 2-3 metr təşkil etdiyini bildirirlər.

Vətəndaşların sözlərinə görə, onların razılığı olmadan başlayan işlər zamanı torpaq sürüşməsi riskinin yaranması, evlərin təhlükə altına düşməsi və ətrafın toz-torpaqla çirklənməsi əsas narahatlıq doğuran məqamlardandır.

Eyni zamanda gecə saatlarınadək davam edən səs-küy və ağır texnikanın yol örtüyünü yararsız hala salması sakinlərin yaşayış şəraitini çətinləşdirib.

Vətəndaşlar aidiyyəti qurumlardan tikintinin qanuniliyinin araşdırılmasını, ara məsafəsi normativlərinə riayət olunmasını tələb edirlər.