Depressiya xəstəliyinə hansı peşə sahibləri düçar ola bilər? | Alimlərdən maraqlı araşdırma

Alimlər peşə sahibləri və tutulduqları xəstəliklərlə bağlı araşdırma aparıblar.

Onlar 421 899 ingilis və amerikalının iştirak etdiyi məlumatları incələyib və maraqlı nəticələr əldə ediblər.

Araşdırmaya görə, nevroloji inkişaf pozğunluğu, autizm, depressiya və şizofreniya kimi xəstəliklərin riskini artıran genetik faktorlar bəzi karyera yollarına təsir edə bilər.

Xüsusilə sənət və dizayn sahəsində işləyənlərin anoreksiya, bipolar pozuntu və depressiya kimi psixi problemlərə meyilli olduğu, kompüter sahəsində çalışanların isə autizm riskinin yüksək, amma nevroloji inkişaf pozğunluğu və depressiya riskinin aşağı olduğu müşahidə edilib.

Ekspertlərin sözlərinə görə, nevroloji inkişaf pozğunluğu insanların təhsil və məktəb uğurlarına təsir göstərərək dolayı yolla onların peşə seçimlərini formalaşdırıb.

Genetik faktorların isə peşə seçimlərinə təsiri nisbətən azdır, təxminən 0,5 %. Buna qarşı yaş, cinsiyyət və təhsil kimi amillər daha güclü təsir edir.