Pleyeri seçin:
“Dilim uyuşdu, danışa bilmədim” | Evlərimizi bəzəyən bu bitki niyə təhlükəlidir?
Xəbərlərimizi Google-da izləyin
Yeniliklərdən dərhal xəbərdar olun
Türkiyəli qadın dibçək gülündən zəhərlənib.
Bu barədə Məryəm Can sosial şəbəkə hesabında paylaşım edib.
Bitkini düzəltmək istəyərkən gövdəsinin qırıldığını və içindən çıxan mayenin üz və ağız nahiyəsinə sıçradığını deyən qadın qısa müddətdə dilində yanma, uyuşma və kəkələmə hiss etdiyini, danışmaqda çətinlik çəkdiyini bildirib. Yalnız həkim müdaxiləsindən sonra vəziyyəti stabilləşib. Söhbət difenbaxiya bitkisindən gedir.
Baku TV-nin paytaxt sakinləri arasında apardığı sorğudan məlum olub ki, ölkəmizdə də bu bitkidən zəhərlənənlər var.
“Həmin güldən mən də zəhərlənmişəm. Bədənimdə səpkilər əmələ gəldi, bir müddət xəstəxanada müalicə aldım”, ‒ sakinlərdən biri deyib.
“Gülü sevən tikanına dözər” deyiblər. El arasında “ağlayan çiçək” kimi tanınan bu bitkinin tikanı olmasa da, ciddi riskləri var.
Həkim Abbas Bağırov da bildirir ki, bu bitki kəskin tənəffüs çatışmazlığı yarada, dəridə allergik reaksiyalara səbəb ola bilər:
“Bundan əlavə, mərkəzi sinir sistemindəki reseptorların fəaliyyətini bloklayaraq ürək-qan-damar sisteminin işini poza bilər.
Bəzi hallarda bu, ölümlə nəticələnə bilər”. Qədim zamanlarda difenbaxiyadan qulların danışmaması, həmçinin ox uclarına zəhər kimi çəkilərək istifadə edilməsinə dair məlumatlar da var. Odur ki, ətrafınızda “ağlayan çiçək” varsa, onlara toxunmamağınız tövsiyə edilir.
Kopyalandı
Seçilmişlər
