DİN əməkdaşlarına təşəkkür edirəm | Hökumənin atası başına gələnləri danışdı

“Dələduzlar mənə zəng edərək özlərini “Kapital Bank”ın işçiləri kimi təqdim etdilər və “Elnur Həsənov adlı şəxs kartınızın şifrəsini qıraraq pul çıxarmaq istəyir. Buna görə də kartınızı sığortalamaq üçün pulu başqa hesaba köçürmək lazımdır” dedilər”.

Bunu Milli Qəhrəman Hökumə Əliyevanın atası Cəlil Alıyev dələduzluq halı ilə üzləşməsi haqqında jurnalistlərə açıqlamasında deyib.

“Şok vəziyyətində onlara inanaraq pulu başqa karta köçürdüm. Beləliklə, pulumu mənimsədilər. Tez bir zamanda “102” qaynar xəttinə zəng etdim, bütün polis əməkdaşları səfərbər oldular.

Ölkə başçımız başda olmaqla daxili işlər naziri Vilayət Eyvazova, Daxili İşlər Nazirliyinin Kibercinayətkarlıqla Mübarizə Baş İdarəsi əməkdaşlarına təşəkkür edirəm ki, oğurlanmış pulumun hamısını geri qaytardılar, cinayətkarları yaxaladılar”, – o söyləyib.