Diqqət | Hava ilə bağlı xəbərdarlıq edildi

Ölkə ərazisində qeyri-sabit hava şəraiti davam edib, bəzi yerlərdə arabir yağış yağıb, ayrı-ayrı yerlərdə intensiv olub, dağlıq ərazilərdə isə qar yağıb.

Bu barədə Milli Hidrometeorologiya Xidməti məlumat yayıb.

Bəzi yerlərdə duman müşahidə olunub. Havanın minimal temperaturu Bakıda və Abşeron yarımadasında 4 dərəcəyədək isti, Naxçıvan Muxtar Respublikasında 4 dərəcə şaxtadan 4 dərəcəyədək isti, Aran rayonlarında 5 dərəcəyədək isti, dağlıq rayonlarda 2-6 dərəcə şaxta olub.