Dövlət Su Ehtiyatları Agentliyi təcili məlumat yaydı | Qurum hərəkətə keçdi

Hazırda Azərbaycan ərazisinə qonşu dövlətlərdən daxil olan transsərhəd çaylarda (Kür, Araz, Samur, Qabırrı və digərləri), eləcə də ölkənin daxili çaylarında yaz-yay gursululuq dövrü müşahidə olunur.

Bu barədə Azərbaycan Dövlət Su Ehtiyatları Agentliyi məlumat yayıb.

Bildirilib ki, son günlərdə bəzi ərazilərdə su səviyyəsi mühafizə bəndinin alt oturacaqlarına qədər yaxınlaşıb. Hazırda Kür çayında orta su səviyyəsi mühafizə bəndinin üst qeydiyyat nöqtəsindən 3,5 metr aşağıdadır.

Qeyd olunub ki, bu, həmin ərazilərdə yaşayan əhali, infrastruktur obyektləri və yaşayış məntəqələri üçün heç bir təhlükə yaratmır. Əsas qoruyucu mühafizə bəndlərində hər hansı bir risk müşahidə edilmir.

Hazırda mühafizə bəndlərində fasiləsiz monitorinq aparılır, bütün ərazilər nəzarətdə saxlanılır və qabaqlayıcı tədbirlər davam etdirilir. Kür çayında suyun səviyyəsinin artması fonunda Sabirabad rayonu və digər ərazilərdə daşqın təhlükəsi ilə bağlı hər hansı bir narahatlıq mövcud deyil.