Pleyeri seçin:
Dövlət Yol Polisi səhhətində ciddi problemlər olan sürücülərə müraciət etdi
Daxili İşlər Nazirliyinin Baş Dövlət Yol Polisi İdarəsi səhhətində ciddi problemlər olan sürücülərə müraciət edib.
Bildirilib ki, ötən gün saat 21:14 radələrində Bakı-Şamaxı-Yevlax avtomobil yolunun Müşfiqabad qəsəbəsi ərazisindən keçən 25-ci kilometrliyində Fərid İsmayılovun idarə etdiyi “Toyota Prius” markalı avomobil beton konstruksiyalı arakəsməyə çırpılıb. Sürücü hadisə yerində həyatını itirib. İlkin məlumata əsasən, qəzanın sürücünün səhhətində yaranan problemdən qaynaqlandığı ehtimal olunur.
“BDYPİ son vaxtlar analoji hadisələrin sayının artmasını nəzərə alaraq, bir daha səhhətində ciddi problemlər olan sürücülərdən sükan arxasına əyləşməməyi, yaşanmış acı təcrübələrdən düzgün nəticə çıxararaq özlərinin və digər hərəkət iştirakçılarının həyatını təhlükəyə atmamağı, ağır xəstəliyi olan sürücülərin doğmalarından isə bu kimi hallara qarşı barışmaz mövqe tutmağı xahiş edir”, ‒ müraciətdə qeyd edilib.
Kopyalandı
#Baş Dövlət Yol Polisi İdarəsi teqi istifadə olunub
- Yeniyetmə sürücülərin törətdiyi qəzaların sayı niyə artıb? | Ekspertdən açıqlama - Baku TV
- Həftəsonu səfərə çıxacaq sürücülərin diqqətinə! - Baku TV
- DYP hava ilə bağlı sürücülərə xəbərdarlıq etdi - Baku TV
- Yanvarın 19-na olan hava proqnozu açıqlanıb | Hava haqqında məlumat - Baku TV
- Ehtiyatlı olun, hava kəskin pisləşir | Hava ilə bağlı xəbərdarlıq - Baku TV
Seçilmişlər
