Ekspertlər uşaqların sağlamlığını təhdid edən məhsulları açıqladı

Uşağınızın qida rasionunda bir sıra ərzaq qruplarının daxil edilməsi çox önəmli olduğu kimi müəyyən ərzaqlar da var ki, onların uşaqlara verilməməsi qəti şəkildə tövsiyə olunur.

Məsələn, uşaq qidasına duzun əlavə edilməsi yolverilməzdir. Lakin azyaşlı uşaqların əksəriyyətinə hələ çox balaca olduqları halda böyüklər üçün nəzərdə tutulan yeməklər təklif olunur. Həddindən artıq duzdan istifadə gələcəkdə ürək-damar xəstəliklərinə gətirib çıxara bilər.

Ekspertlərin sözlərinə görə, stabilizatorlar, qatlaşdırıcılar, süni şirinləndirici maddələr, konservantlar, dad gücləndiriciləri və digər bu kimi əlavələr uşağın immun sisteminə, xüsusilə əsas detoksifikasiya funksiyası daşıyan qaraciyər üçün əlavə narahatlığa və yükə səbəb ola bilər.

Mütəxəssislərin fikrincə, dondurma uşaqlarda bağırsaq infeksiyalarına münbit şərait yaradır. Tərkibində natrium nitrit olan kolbasa və sosislərin çox yeyilməsi isə gələcəkdə uşaqlarda təhlükəli xəstəliklərə gətirib çıxara bilər.