Əlahiddə Ümumqoşun Orduya mediatur təşkil olunub

Müdafiə Nazirliyinin təşkilatçılığı ilə Günnüt əməliyyatının beşinci ildönümü ilə bağlı Əlahiddə Ümumqoşun Orduya mediatur təşkil olunub.

Səfər çərçivəsində media nümayəndələri azad edilən yüksəkliklərdə olub, Günnüt əməliyyatında iştirak edən hərbi qulluqçularla görüşüblər.

Bildirilib ki, 2018-ci ilin may ayında Naxçıvan Muxtar Respublikasında Əlahiddə Ümumqoşun Ordunun keçirdiyi əməliyyat nəticəsində Şərur rayonunun Günnüt kəndi, Ağbulaq yüksəkliyi, Qızılqaya dağı, Qaraqaya dağı azad olunub. Bu istiqamətlərdə bir neçə əlverişli mövqelər Azərbaycan Ordusunun nəzarəti altına keçib. Əməliyyat nəticəsində 11 000 hektardan artıq ərazi azad edilib.

Daha sonra media nümayəndələri Orduda döyüş hazırlığı tədbirlərini izləyib, eləcə də hərbi qulluqçular üçün yaradılan şəraitlə tanış olublar.