“Elə bilirdik ki, quş sürüsü girib” | Təyyarə qəzasında möcüzəvi şəkildə sağ qalan şəxs - Baku TV
2024-cü ilin dekabrın 25-də baş verən təyyarə qəzası zamanı möcüzəvi şəkildə sağ qalan 29 nəfərdən biri də Gəncə sakini Toğrul Cəfərovdur.
O, Qroznıda yaşayan dostunun yanına gedərkən həyatının ən dəhşətli gününü yaşayır.
“Əvvəl elə bildik ki, təyyarənin pərinə quş sürüsü girib. Sonra ikinci və üçüncü dəfə vurdular, bundan sonra təyyarə istiqamətini başqa şəhərə dəyişdi. Yerə çırpılanda huşumu itirdim. Təyyarədə tanış olduğum Zamin birinci çıxmışdı, daha sonra isə məni xilas etdi. Onunla birgə 6-7 nəfəri də çıxardıq. Təxminən 10 dəqiqə sonra köməyə gəldilər.
Allah vəfat edənlərin ailələrinə səbr versin. Aramızda əlil olanlar, əmək qabiliyyətini itirənlər də var. Amma bu gün yaşayırıqsa, ayağımızın üstündə dura biliriksə, buna min şükür. Dövlətə də bizə göstərdiyi dəstəyə görə təşəkkür edirəm”, – deyə T.Cəfərov bildirib.
Onun sözlərinə görə, qəzadan sağ çıxanlarla hazırda da əlaqə saxlayırlar: “İndi hamımız əlaqədəyik, qrupumuz var, danışırıq. Elə bil bir-birimizi neçə ildir tanıyırıq”.
#Bakı-Qroznı reysi teqi istifadə olunub
- “Arzuları 1 anın içində yarımçıq qaldı” | Ailələri Milli Qəhrəmanların məzarları başında - Baku TV
- Hökumə Əliyevanın evinə ziyarətçi axını | “Hər şey yaxşı olacaq” kəlməsi qulağımızdadır” - Baku TV
- İlham Əliyev AZAL təyyarəsinin qəzaya uğramasının ildönümü ilə bağlı paylaşım etdi - Baku TV
- AZAL təyyarəsinin Aktauda qəzaya uğramasından bir il ötür - Baku TV CANLI
- AZAL təyyarəsinin qəzasında ölənlərin xatirəsi 1 dəqiqəlik sükutla yad edildi - Baku TV
