Elə ifrat dərəcədə arıqlayırlar ki... | Mədə kiçiltmə əməliyyatı kimlərə olmaz?

Artıq çəkidən azad olmağın yollarından biri də mədə kiçiltmə əməliyyatıdır.

Dünyada geniş yayılan bu üsul son illər Azərbaycanda da tətbiq olunur.

Ölkəmizdə mədə kiçiltmə əməliyyatına üstünlük verənlərin sayı sürətlə artır. Sosial mediada paylaşılan “öncə və sonra” foto və videoları isə bu tendensiyanı daha da gücləndirir.

Bu əməliyyatlar insanların həyatını necə dəyişir? Mədə kiçiltmə əməliyyatının müsbət və mənfi tərəfləri nələrdir?

Cərrah Elşad Rzayev bildirib ki, bu əməliyyatın həyata keçirilməsi üçün bir şəxsin ən azı 30 kiloqram artıq çəkisi olmalıdır.

Onun sözlərinə görə, hazırda artıq çəkini dərmanla müalicəsi etmək mümkün deyil:

“Bu səbəbdən ən effektiv müalicə üsulu cərrahi əməliyyatdır. Bu əməliyyat qapalı şəkildə icra olunur və təxminən yarım saat çəkir”.

Həkimlər və psixoloqlar xəbərdarlıq edirlər ki, insan özünü olduğu kimi qəbul etməyi öyrənməlidir. Çünki bədən dəyişsə də, güzgüdə gördüyümüz insana münasibət çox vaxt ruhumuzdan başlayır. Əməliyyat qərarı isə ciddi və sağlam düşüncə ilə verilməlidir.