Pleyeri seçin:
Qələbə sevinci ölkənin dörd bir yanında | Azərbaycan Zəfər Gününü qeyd edir - Baku TV
Xəbərlərimizi Google-da izləyin
Yeniliklərdən dərhal xəbərdar olun
Bu gün Azərbaycan xalqı Vətən müharibəsində qazanılan tarixi Qələbənin altıncı ildönümünü – Zəfər Gününü qeyd edir.
Paytaxtın 8 Noyabr prospektində yerləşən Zəfər parkı bayram münasibətilə ziyarət olunur.
Təxminən 9,16 hektar ərazini əhatə edən parkın girişində ucaldılan Zəfər tağının hündürlüyü 44 metr, sütunlarının sayı isə 44-dür. Bu elementlər 44 günlük Vətən müharibəsinə işarə edir.
Parkın ərazisində yerləşən 9,9 metr hündürlüyündə memorial abidə, Qarabağ xalçalarının naxışlarını əks etdirən bağça və kaskad tipli şəlalə də kompleksin memarlıq elementlərindəndir.
Burada fəaliyyət göstərən Zəfər Muzeyi səkkiz ekspozisiya zalından ibarətdir. Muzeydə Qarabağın tarixi, Vətən müharibəsi, Şuşanın azad edilməsi, şəhidlərin qəhrəmanlığı və azad edilmiş ərazilərdə aparılan bərpa işləri əks olunur.
Girişdə yerləşən “Dəmir yumruq” kompozisiyası isə 44 günlük müharibənin əsas rəmzlərindən birini təqdim edir.
Kopyalandı
Seçilmişlər
