“Elə qıza necə gəlin kimi baxım?!” - Ququşun qohumu gəlininin xəstəliyindən danışdı - O VAXTLAR

“O vaxtlar” verilişinin budəfəki qəhrəmanı Bakı sakini Ruanna Məmmədova olub.

O, qayınana-gəlin münasibətlərindən danışıb.

“Gəlin illərlə ata evində formalaşır, öz tərbiyəsini oradan götürür. Qayınana evinə gələndə ona “dəyişməlisən” demək olmaz. Bu, mümkün deyil. Bəlkə, qısa müddət dəyişə bilər, amma yenə əvvəlki kimi olacaq. İnsan necədirsə, onu elə qəbul etmək lazımdır. Ümumiyyətlə, gəlinə ana olmaq üçün ədalət lazımdır”, – deyə Bakı sakini bildirib.

Ruanna Məmmədova gəlininin xəstəliyi və bu çətin günlərdə yaşadıqlarından da bəhs edib:

“Bu xəbəri eşidəndə hamıdan çox mən sarsıldım. Gözümün qabağına onun dörd övladı gəldi, onu gəlin gətirdiyim günləri xatırladım. Dedim ki, mən həmişə sənin yanındayam, heç vaxt səni tək qoymaram. İndi fəxrlə deyirəm ki, biz bu xəstəliyə qalib gəldik. Elə bir xəstəlik yoxdur ki, ona qalib gəlmək mümkün olmasın. Yetər ki, insan istəsin və inansın. Gəlinin ağrısını, oğlumun çarəsizliyini görmək çox çətindir. Bir gün gördüm ki, gəlinimin saçları yoxdur. Ona dedim ki, sən də mənim saçımı kəs, bəlkə, belə sənə dəstək ola bilərəm”.

O, ailəsinin mehribanlığının kənardan paxıllıqla qarşılandığını da qeyd edib:

“Mənə deyirdilər, yoldaşın sənin tayın deyil, tez-tez Rusiyaya gedib-gəlir. Mən isə deyirdim ki, harada olsa da, yenə mənim yanıma qayıdacaq”.