Elm adamlarından dəhşətə gətirən proqnoz | İndidən müdaxilə edilməsə...

Parkinson xəstəliyinə tutulanların növbəti illərdəki qorxunc statistikası açıqlanıb.

2050-ci ilə qədər bu xəstəliyə tutulanların sayı 25 milyona çatacaq. Bu, ən çox inkişaf etməkdə olan ölkələrdə yaşanacaq.

Dünya əhalisinin sayının artması və uzun müddət yaşaması Parkinson xəstələrinin sayını çoxaldacaq.

Çin və kanadalı tədqiqatçıların açıqlamalarına görə, 2021-ci ildə bu xəstələrin sayı 11,9 milyon idisə, 2050-ci ildə bu rəqəm 25,2 milyon nəfər təşkil edəcək.

Mütəxəssislər bu cür xəstəlikdən əziyyət çəkənlər üçün sosial xidmətlərin artırılmasını təklif edirlər.

"Euronews Health"ə danışan "Parkinson's Europe" qrupunun direktoru Amelia Hursey proqnozların qorxudcu olduğunu və buna indidən müdaxilə edilməli olduğunu vurğulayıb:

"Bu məsələyə indidən diqqət yetirilməlidir, çünki qlobal səhiyyə sistemlərinin heç biri bu cür ağır nəticələrin öhdəsindən gələ bilmək qabiliyyətinə malik deyil".