Elm və Təhsil Nazirliyində pullar hara gedib?
Hesablama Palatası Elm və Təhsil Nazirliyi və “Əsaslı Tikinti və Təchizat İdarəsi”ndə aparılan audit nəticələrini açıqlayıb.
Hər iki qurumun dövlət satınalmalarının müxtəlif mərhələləri üzrə fəaliyyətin təşkilində oxşar və fərqli bəzi nöqsanlara yol verildiyi müəyyən edilib.
Belə ki, bir sıra hallarda müvafiq hesablamaların aparılmaması, dövlət ehtiyaclarının baha qiymətlərlə ödənilməsinə şərait yaradıb. Həmçinin yemək təchizatı ilə bağlı menyuların dəyişdirilməsinə, daha bahalı menyulara üstünlük verildiyi müəyyən olunub. Bu da bir şagirdə düşən yemək xərcini artırıb.
Müqavilələrdə öhdəliklərin icrasına nəzarətin təmin edilməməsi yerinə yetirilməmiş işlər və xidmətlər üzrə 697 min manat məbləğində ödənişə şərait yaradıb. Bir sıra hallarda avans ödənişləri ilin sonunda həyata keçirilməklə istifadə edilməmiş vəsaitlərin büdcəyə qaytarılmaması məqsədini daşıyıb, əsaslandırıcı sənədlər tələb olunmadan ödənişlər həyata keçirilib.
Eyni zamanda istifadə olunmayan vəsaitlərin büdcəyə qaytarılmasından yayınmaq məqsədilə akkreditiv ödənişlər həyata keçirilib.
#Elm və Təhsil Nazirliyi teqi istifadə olunub
- Ana dilimizi niyə ikinci plana atırıq? | Paytaxt sakinlərinin fikirləri - Baku TV
- Firudin Qurbanov “Rəqəmsal Bacarıqlar” layihəsindən söz açdı
- Bakıda liderlik və innovasiya üzrə mərkəz yaradılır - Baku TV
- Qəbul prosesində süni intellektdən istifadə ediləcək?
- Nazirdən imtahan suallarının çətinliyi ilə bağlı mübahisələrə reaksiya - Baku TV
