Ən dəqiq təqvim, əslində, hansıdır? - Bilinməyən məlumatlar ortaya çıxdı

Hər bir təqvim sistemi ondan istifadə edən mədəniyyətin həyat tərzi anlayışını əks etdirir.

Bu fərqli zaman ölçüləri cəmiyyətlərin keçmişini, gələcəyə baxışını və təbiətlə harmoniyasını göstərir.

Bu gün bütün dünyada istifadə edilən Qriqorian təqvimi 1582-ci ildə Papa XIII Benedikt tərəfindən təqdim edilib. Yuli Sezarın dövründə istifadə edilən Yulian təqvimindəki xətaların düzəldilməsi ilə daha dəqiq Günəş təqvimi yaradılıb. Bu təqvimdə biz hazırda 2024-cü ildəyik.

Yulian təqvimi eramızdan əvvəl 45-ci ildə Yuli Sezar tərəfindən hazırlanmış Günəş ilinə əsaslanan təqvimdir. O öz yerini 1582-ci ildə Qriqorian təqviminə verib Avropanı tərk etsə də, bəzi pravoslav kilsələrində hələ də dini təqvim kimi istifadə olunur. Yulian təqviminə görə hazırda 2777-ci ildəyik.

Maya təqvimi iki əsas dövrə əsaslanan mürəkkəb sistemdir. Maya sivilizasiyası bu təqvimdən vaxtı ölçmək və dini ayinlər təşkil etmək üçün istifadə edirdi. Maya uzun sayma təqviminə görə hazırda 13-cü Baktun dövründəyik. Bu dövr Maya tarixində yeni dövr hesab olunur.

Ay-Günəş quruluşuna malik olan Çin təqvimi həm Ay, həm də Günəş dövrlərinə əsaslanır və hər il bir heyvan işarəsi ilə əlaqələndirilir. Çin təqviminə görə 4722-ci ildəyik. Çində Yeni il hər il yanvarın sonu və ya fevralın əvvəlində qeyd olunur. İslam dünyasında istifadə edilən Hicri və Hz.Məhəmmədin hicrətinin başlanğıc kimi qəbul edən Qəməri təqvimləri Qriqorian ilindən təxminən 10-11 gün qısadır. Hicri təqvimi ilə hazırda 1446-cı ildəyik.

İran təqvimi ən dəqiq Günəş təqvimlərindən biridir və yeni ili Novruzla başlayır. İran və Əfqanıstanda istifadə edilən bu təqvimə əsasən, biz hazırda 1403-cü ildəyik.

Yəhudi təqvimi Ay və Günəş dövrlərini birləşdirən Ay-Günəş təqvimidir. Yəhudi təqviminə görə hazırda 5784-cü ildəyik.

Fransa Respublika Təqvimi – Fransız İnqilabından sonra istifadəyə verilən bu təqvim həftələri 10 gün və 30 gündən ibarət aylara bölən fərqli bir sistemə malik idi. Mürəkkəb quruluşuna görə cəmi 12 il istifadədə qalıb, sonra yerini yenidən Qriqorian təqviminə ötürüb.