Ən yüksək kalorili meyvələr | Siyahıda birinci yer isə...

Rusiyalı məşhur terapevt Yelena Ustinova ən kalorili meyvə və giləmeyvələrin adlarını açıqlayıb.

Həkim qeyd edib ki, meyvə və giləmeyvələrin kaloriliyi əsasən tərkiblərindəki karbohidratların miqdarı ilə ölçülür, nə qədər çox olarsa, kaloriliyi də bir o qədər yüksək olur. Əksər meyvələrdə 100 qrama təxminən 10 qram karbohidrat düşür. Lakin banan, üzüm, xurma və avokado daha yüksəkkalorililiyi ilə fərqlənir.

Banan siyahıda ilk sırada yer alıb. Onun 100 qramına təxminən 20 qram karbohidrat düşür. Bir bananın qabıqla çəkisi təxminən 200 qram olduğundan, bir meyvəyə təxminən 200 kalori düşür. Buna görə də artıq çəkidən və ya şəkərli diabetdən əziyyət çəkənlərə bu məhsuldan az istifadə etmələri tövsiyə olunur.

Həkim həmçinin bildirib ki, yetişməmiş, yaşıl-sarı bananları seçmək daha yaxşıdır, çünki onlarda karbohidrat daha azdır.

Mütəxəssisin sözlərinə görə, kalorililik baxımından siyahıda ikinci yerdə üzüm gəlir. Bu giləmeyvənin 100 qramına təxminən 15-20 qram karbohidrat düşür. Üzüm yüksəkkalorililiyi ilə fərqlənsə də, bir çox faydalı xüsusiyyətlərə malikdir.

Siyahıda üçüncü yeri 100 qramında 20 qrama qədər şəkər olan xurma tutur. Bu meyvədə çoxlu saxaroza var və ona görə də onu ara-sıra qəbul etmək məsləhətdir.

Kalorilik baxımından siyahıda dördüncü yeri yağların yüksək konsentrasiyası ilə fərqlənən avokado tutur. Diyetoloqun sözlərinə görə, bu meyvənin 100 qramına təxminən 160-180 kalori düşür ki, bu da ilk növbədə yüksək yağ tərkibi ilə bağlıdır.

Mütəxəssislərin sözlərinə görə, yüksəkkaloriliyinə baxmayaraq, bütün bu meyvələr sağlamlıq üçün faydalıdır və hətta pəhriz zamanı onları rasiondan tamamilə çıxarmaq lazım deyil. Ən əsası balansı düzgün qorumaqdır.