Pleyeri seçin:
Eskalator və litflər yenilənəcək? - Görüləcək işlər barədə açıqlama - Baku TV
Xəbərlərimizi Google-da izləyin
Yeniliklərdən dərhal xəbərdar olun
Bakıda yeraltı və yerüstü piyada keçidlərində istismar müddətini başa vurmuş eskalator və liftlər yenilənəcək.
Bakı Şəhər Lift-Təmir İstehsalat Birliyinin rəisi Xalid Ələkbərov bildirib ki, avadanlıqların dəyişdirilməsi ilə bağlı bütün texniki tədbirlər görülüb, sənədləşmə işləri aparılıb, sxemlər hazırlanıb və müvafiq ölçülər götürülüb.
Onun sözlərinə görə, yeni eskalator və liftlərin istehsalı üçün Finlandiyanın KONE zavoduna sifariş verilib və artıq istehsal prosesinə başlanılıb. Yeni avadanlıqların ilin sonunadək Bakıya gətirilməsi planlaşdırılır. Bundan sonra köhnə eskalator və liftlərin sökülərək yeniləri ilə əvəzlənməsi işlərinə mərhələli şəkildə başlanılacaq.
Xalid Ələkbərov qeyd edib ki, avadanlıqların demontajı, ərazinin yeni ölçülərə uyğunlaşdırılması və quraşdırma işləri müəyyən vaxt tələb etdiyindən proses mərhələli şəkildə həyata keçiriləcək.
Kopyalandı
Seçilmişlər
