Etiketdə “kəsmik məhsulu” yazılıbsa... | Əsl pendiri seçməyin üsulları

Demək olar ki, hər bir insan pendir yeyir. Mağazalarda da cürbəcür növdə pendirlər olur.

Ekspertlərin fikrincə, əsl pendir inək, qoyun və ya keçi südündən hazırlanır. Pendir növləri təkcə südün növünə görə deyil, həm də emal üsuluna, istifadə edilən fermentlərə, bakteriyalara və ya kiflərə görə fərqlənir.

Təbii pendirin əsas inqrediyentləri süd, duz və bakteriyalardır. Təbii pendir istehsalı üçün xeyli miqdarda süd tələb olunur. Təxminən 1 kiloqram pendir üçün 10 litr süd lazımdır.

Əsl pendir baha olur. Qablaşdırmaya baxın, etiketi oxuyun. Əgər “pendir məmulatı” və ya “kəsmik məhsulu” yazılıbsa, bu, süni qatqılarla hazırlanıb. Əsl pendirin tərkibi sadədir.

Pendir məhsullarında isə emulqatorlar, konservantlar, bitki yağları, şəkər və digər əlavələr ola bilər. Tərkibində palma, kokos yağları və nişasta varsa, bu, pendir deyil, onun analoqudur.

Bundan əlavə, qoxuya diqqət yetirmək də vacibdir. Əsl pendir süd iyi verir, pendir məhsulları isə çox vaxt kimyəvi və turş qoxuya malik olur.