Pleyeri seçin:
Əzələ kütləsinə təsir edən amillər açıqlandı | Maraqlı araşdırma
Xəbərlərimizi Google-da izləyin
Yeniliklərdən dərhal xəbərdar olun
ABŞ-nin Salk İnstitutunun alimləri müəyyən ediblər ki, BCL6 proteini kalori çatışmazlığı şəraitində əzələ kütləsinin saxlanmasında əsas rol oynayır.
Əzələ insan orqanizmində ən çox rast gəlinən toxumadır. Onun vəziyyəti ovqat, hərəkətlilik və enerji baxımından əsas rol oynayır.
Salk İnstitutunun professoru Ronald Evansın sözlərinə görə, əzələ kütləsinin saxlanması ümumi sağlamlıq və həyat keyfiyyəti üçün də vacibdir.
Alimlər izah ediblər ki, qida olmadıqda orqanizm aclıq rejiminə keçir. “Boş” mədə beyinə siqnal göndərir, müxtəlif hormonların səviyyələrində dəyişikliklərə səbəb olur. Bu hormonlar öz növbəsində əzələ böyüməsində mühüm rol oynayan insulinə bənzər böyümə faktorunun istehsalını stimullaşdırır.
İnstitutun alimləri əzələ kütləsinin saxlanmasında BCL6-nın mühüm rol oynadığını düşünür. Bir sıra təcrübələr aparılıb və fərziyyə təsdiqini tapıb.
Alimlər həmçinin oruc tutmağın bu proteinin səviyyəsini aşağı saldığını aşkar ediblər.
Tədqiqatçıların fikrincə, BCL6-nın aktivləşdirilməsi inyeksiya yolu ilə arıqlayan dərmanların istifadəsi və sarkopeniyanın inkişafı zamanı əzələ kütləsini məhv olmaqdan qorumaq üçün istifadə edilə bilər. Bununla belə, insanlara təsir yollarını optimallaşdırmaq üçün əlavə tədqiqatlara ehtiyac var.
Kopyalandı
Seçilmişlər
