FHN neftyığma məntəqəsində təlim keçirdi

Fövqəladə Hallar Nazirliyinin Dövlət Yanğından Mühafizə Xidməti Bakı şəhəri, Qaradağ rayonu ərazisində yerləşən SOCAR-ın Nəriman Nərimanov adına Neft və Qazçıxarma İdarəsinin Daşgil neftyığma məntəqəsində “Neft məhsulları saxlanılan çənlərdə yanğınların söndürülməsi” mövzusunda təlim keçirib.

Təlimin əsas məqsədi yüksək yanma qrupuna aid məhsulların saxlanıldığı çənlərdə yanğın baş verdikdə əraziyə cəlb olunan yanğından mühafizə bölmələrinin qarşılıqlı fəaliyyətinin daha da təkmilləşdirilməsi və bu kimi obyektlərdə mümkün yanğınların söndürülməsi üzrə şəxsi heyətin peşəkar bacarıqlarının gücləndirilməsi, habelə obyektin aidiyyəti heyətinin yanğınlar zamanı ilkin davranış qaydaları barədə biliklərinin artırılması olub. Təlim zamanı çənlər parkında baş vermiş şərti yanğın qısa müddətdə söndürülüb.

Təlimə Dövlət Yanğından Mühafizə Xidmətinin ümumilikdə 19 texnika və 108 nəfər şəxsi heyəti cəlb olunub.