Gəlib baxıb gedirlər, düzəldən yoxdur! - Bayıl sakinlərinin kanalizasiya dərdi

Paytaxtın Səbail rayonu Bayıl qəsəbəsi Əli Nəzmi və Aydın Məmmədov küçələrinin kəsişməsində kanalizasiya xəttində yaranan problemə görə çirkab su küçə boyu axır.

Vətəndaşların sözlərinə görə, bir aydan çoxdur aidiyyəti qurumlara müraciət etsələr də, məsələ həllini tapmır.

“Evin önüdür, keçmək, nəfəs almaq, qapı-pəncərəni açmaq olmur. Gəlib baxan da yoxdur. Mərkəzi xətt tutulub, heç kəs açmaq istəmir. Həm də mikrobdur, camaatın ayağında evinə gedir”, – deyə sakinlər narazılığını bildirib.