Gəncə məktəblisi dünyanın ən nüfuzlu universitetinə qəbul oldu | Baku TV-yə danışdı

Azərbaycanlı məktəbli Fidan Hüseynova dünyanın ən nüfuzlu ali məktəblərindən biri olan Massaçusets Texnologiya İnstitutuna (MIT) qəbul olub.

Fizika, riyaziyyat və informatika təmayüllü liseydən məzun olan Fidan Hüseynova indiyədək bakalavr pilləsində MIT-yə qəbul olan ölkə üzrə 5-ci, Gəncədə isə ilk məktəblidir.

Fidan MIT-də oxumaq üçün təhsil haqqının 88 min dollar olduğunu bildirib.  Gəncəli abituriyent deyib ki, onun heç də az olmayan təhsil haqqı və yaşayış xərclərinin ödənilməsi məsələsi də artıq həllini tapıb. O bu işdə həm universitetin, həm də xaricdə təhsil üzrə dövlət proqramının təqaüdündən yararlana biləcək.