Giləmeyvələrin orqanizmə ziyanları açıqlandı | Həkimlərdən vacib xəbərdarlıq

Giləmeyvələrin gözlər üçün faydalı olduğu hesab edilir, lakin onların bəzi növləri əks-təsir göstərə bilir.

Həkimlər hətta qaragilənin belə bəzən təhlükəli ola biləcəyinə dair xəbərdarlıq edirlər.

Onların fikrincə, supermarketlərdən alınan dondurulmuş giləmeyvələrdə olan pestisidlər çox vaxt gözün torlu qişasında yığılıb qalır.

Aşağı keyfiyyətli dondurulmuş qaragilə xüsusilə təhlükəlidir, çünki düzgün dondurulmadıqda faydalı antosianların 70 faizədək hissəsini itirirlər.

Bundan əlavə, giləmeyvəli az yağlı süd məhsullarının istehlakı da risklidir. Çünki yağ olmadıqda A vitamini giləmeyvələrdən udulmur və bu da gecə korluğuna, el təbirincə desək, toyuq korluğuna səbəb ola bilər.

Həkimlər həmçinin xatırladırlar ki, sağlam giləmeyvələr belə həddindən artıq qəbul edildikdə torlu qişada allergik reaksiyalara gətirib çıxara bilər. Optimal doza gündə 100-150 qram təşkil edir. Hər hansısa bir sağlamlıq problemi yaşandıqda isə dərhal həkimə müraciət etmək tövsiyə olunur.