Gözləri yolda qalan sərnişinlər | 162 nömrəli marşrutda nə baş verir? - Baku TV

Sabunçu rayonu, Ramana qəsəbəsində fəaliyyət göstərən 162 nömrəli avtobus xətti sakinlər üçün ciddi çətinliklər yaradır.

Sakinlərin sözlərinə görə, səhər saatlarında avtobuslar 30–50 dəqiqə intervalla hərəkət edir. Axşam saat 20:00-dan sonra isə “Koroğlu” istiqamətində avtobus tapmaq çətinləşir.

Sərnişinlər sürücülərin onlarla kobud davrandığını da iddia edirlər.

“İki gün əvvəl bir saat avtobus gözlədim, gəlmədi. Məcbur olub 163 nömrəli avtobusla getdim. İnterval yarım saatdan artıq olur”, – sakinlərdən biri şikayətini bildirib.

Digər sakin isə şikayətlərə baxılmamasından narazılığını ifadə edib:

“İnsanları yollarda gözlədirlər. İşdən gəlirsən, evə getmək olmur. Uşaqlar məktəbə gecikirlər. Məcbur qalıb taksidən istifadə edirik. Bir söz deyəndə də bildirirlər ki, bizə heç nə deməyin, gedin, rəhbərliyə bildirin”.