“Gündə 3 dəfə ayaqqabı dəyişirik” | Biləcərinin bitməyən yol dərdi
Biləcəri qəsəbəsinin 15-ci küçəsinin yolları illərdir ki, asfalt örtüyünə həsrətdir.
Sakinlər bu problemlə bağlı Baku TV-nin qaynar xəttinə müraciət ediblər.
Onların sözlərinə görə, 5 il əvvəl “Azərsu” tərəfindən aparılan qazıntı işlərindən sonra vəziyyət daha da pisləşib. Yağışlı günlərdə uşaqlar məktəbə, böyüklər isə işə çətinliklə gedib-gəlirlər.
“Gündə üç dəfə ayaqqabı dəyişirik”, – deyə sakinlərdən biri bildirib.
“Altı ildir burada yaşayıram. Kanalizasiya idarəsi bu məhəlləyə xətt çəkəndən sonra yol bərbad vəziyyətə düşdü. Heç bir tədbir görülmədi”, – başqa bir sakin qeyd edib.
Vətəndaşları narahat edən problemlə bağlı Binəqədi Rayon İcra Hakimiyyətindən bildirilib ki, qeyd edilən ünvanda asfalt örtüyünün yenidən qurulması və bərpası ilə bağlı aidiyyəti qurumlara artıq müraciət olunub. Proses mərhələli şəkildə icra ediləcək.
#Biləcəri qəsəbəsi teqi istifadə olunub
- Yolun ortasında böyük təhlükə: "Örtmüşəm ki, heç kim düşməsin" | Baku TV çəkdi, qurum hərəkətə keçdi
- “Boşanmışdılar, amma...” | Tükürpərdən cinayətdən sonra 69 yaşlı kişinin də evdən meyiti tapıldı
- Həşəratların “at oynatdığı” bina | Sakinlərin başına oyun açan problemin səbəbi nədir?
- Küçədə “peyda olan” su sakinləri özündən çıxardı | “10 gündür ki, bərbad vəziyyətdir”
- Biləcəri parkında ağaclar kütləvi kəsilir | Aidiyyəti qurumlar nə düşünür?
