Gündəlik vərdişlərin arxasında gizlənən böyük zərərlər | Mütəxəssisdən təcili açıqlama

Nəm salfetlər dəri xəstəliklərinə səbəb ola bilər.

Türkiyəli mütəxəssis Bülənt Nuri Kalaycının sözlərinə görə, nəm salfetlərdən tez-tez istifadə dəriyə ciddi ziyan vura bilər. Bu, xüsusilə körpələrə, kiçik uşaqlara, yaşlılara və həssas dəriyə malik insanlara mənfi təsir göstərir.

O bildirib ki, onların tərkibində spirt, paraben, ətir komponentləri və müxtəlif dezinfeksiyaedici maddələr var. Bu cür məhsullar dərini qurutmaqla yanaşı, zədələyə bilər. Əgər insan bu maddələrə qarşı həssasdırsa, bu zaman allergik dermatit deyilən vəziyyət yarana bilər ki, bu da dəridə qızartı, qaşınma, suluqlu və qabıqlı yaralar şəklində özünü göstərir.

Kalaycı əlavə edib ki, dəri baryerini qorumaq üçün pH dəyəri 4,5-5,5 olan məhsullara üstünlük verilməlidir. Tərkibində spirt, paraben və ətir olmayan, xüsusilə körpələr üçün təmiz su və pambıqdan hazırlanmış nəm salfetlər daha məqsədəuyğundur.