Hansı avtobuslar işləyə bilməyəcək? | Baku TV araşdırdı

Müntəzəm sərnişindaşıma fəaliyyəti ilə məşğul olan avtobuslar üçün Nazirlər Kabinetinin 27 mart 2024-cü il tarixində təsdiq etdiyi yeni qaydalar 2024-cü il iyulun 1-də qüvvəyə minib.

Qərara əsasən, avtobuslar tək rəngdə olacaq: qırmızı, ağ və yaşıl. Artıq bütün avtobuslarda kamera quraşdırılacaq. Həmin kameralara ən azı 15 günlük yaddaş qurğusu yerləşdiriləcək. Eyni zamanda avtobusların hər birində ilkin tibbi yardım çantaları olmalıdır. Həmçinin bütün avtobuslara yanğın balonları yerləşdirilməlidir. Yeni qaydalara əsasən, avtobuslarda artıq qəza çıxışları da olacaq.

Qeyd edək ki, bu qaydalara əməl etməyən daşıyıcı şirkətlər fəaliyyət göstərə bilməyəcək.

Azərbaycan Yerüstü Nəqliyyat Agentliyindən bildirilib ki, Nazirlər Kabinetinin qərarı 1 iyul 2024-cü il tarixindən sonra ölkədə istehsal olunan və ya ölkəyə idxal olunan avtonəqliyyat vasitələrinə şamil edilir.