Hava ilə bağlı əhaliyə xəbədarlıq edildi | Hava haqqında məlumat

“Sentyabrın 12-si və 13-də Bakıda və Abşeron yarımadasında hava şəraiti əsasən yağmursuz keçəcək. Mülayim şimal-şərq küləyi əsəcək. Havanın maksimal temperaturu 28-32 dərəcə isti olacaq”.

Bu barədə Milli Hidrometeorologiya Xidmətindən məlumat verilib.

Bildirilib ki, bölgələrdə də əksər rayonlarda yağmursuz hava şəraiti gözlənilir. Lakin 12-si günün ikinci yarısından 14-ü gündüzədək əsasən dağlıq və dağətəyi rayonlarda fasilələrlə yağış yağacağı, şimşək çaxacağı gözlənilir. Bəzi yerlərdə yağıntıların leysan xarakterli olacağı, dolu düşəcəyi ehtimal olunur.

“Havanın maksimal temperaturu Aran rayonlarında 28-33, dağlıq ərazilərdə isə 13-18 dərəcə isti olacaq”, – deyə məlumatda qeyd olunub.