Hava ilə bağlı sarı xəbərdarlıq edildi | Hava haqqında məlumat

Sentyabrın 25-26-da Azərbaycanda bəzi yerlərdə qısamüddətli yağış yağacağı, şimşək çaxacağı ehtimalı var.

Bu barədə Milli Hidrometeorologiya Xidmətindən məlumat verilib.

Bildirilib ki, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı, şimşək çaxacağı ehtimalı var. Mülayim şimal-qərb küləyi arabir güclənəcək. Havanın maksimal temperaturu 23-26° isti olacaq.

Bölgələrdə də ayın 27-dək yağıntılı hava şəraiti davam edəcək. Bəzi yerlərdə şimşək çaxacaq. Ayrı-ayrı yerlərdə yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var. Mülayim qərb küləyi arabir güclənəcək. Havanın maksimal temperaturu aran rayonlarında 23-28°, dağlıq ərazilərdə isə 10-15° isti olacaq.