Havanın temperaturu dəyişəcək | Hava haqqında məlumat

Avqustun 11-i və 12-də Bakıda və Abşeron yarımadasında hava şəraiti dəyişkən buludlu, əsasən yağmursuz keçəcək.

Bu barədə Milli Hidrometeorologiya Xidmətindən məlumat verilib.

Bildirilib ki, avqustun 13-ü gündüz saatlarında isə yarımadanın bəzi yerlərində qısamüddətli yağış yağacağı ehtimal olunur. Mülayim şimal-şərq küləyi əsəcək. Havanın maksimal temperaturu 30-35 dərəcə isti olacaq.

Bölgələrdə də əksər rayonlarda yağmursuz hava şəraiti müşahidə olunsa da, lakin gündüz saatlarında bəzi dağlıq və dağətəyi rayonlarda yağış yağacağı, şimşək çaxacağı gözlənilir. Ayrı-ayrı yerlərdə yağışın leysan xarakterli olacağı ehtimal olunur. Havanın maksimal temperaturu Aran rayonlarında 30-35, dağlıq ərazilərdə isə 20-25 dərəcə isti olacaq.