Həddindən artıq qida qəbulunun ziyanı | Bu orqanların işində problem yarana bilər

Artıq kalorilərin sistematik istehlakı bədəni həddindən çox yükləyir.

Qastroenteroloq Natiya Çexoyeva “İzvestiya”ya bildirib ki, bu, təkcə bədən çəkisini artırmır, həm də daxili orqanlara, o cümlədən ürək, qaraciyər və mədəaltı vəzə yük yaradır.

“Xroniki artıq kalorilər yağ toxumasının yığılmasına səbəb olur. Hər yüz qram artıq olanda ürək-damar xəstəlikləri və hipertoniya riski artır”, – deyə ekspert bildirib.

Belə vəziyyətdə bədən toxumaları insulinə də adekvat cavab vermir və bu, 2-ci tip diabetə aparır. Psixo-emosional problemlər də yarana bilər. Həddindən artıq yeməyə meyilli insanlar narahatlıq və depressiya ilə qarşılaşırlar.

Onun fikrincə, insanı həddindən artıq qida istehlakına qarşı həssas edən ümumi mexanizmlər və amillər həmişə mövcuddur.

“Daimi stres, narahatlıq və depressiya həddindən artıq yemək üçün bir tətik olur. Belə bir vəziyyətdə yemək “təsəlliverici” rolunu oynayır, lakin təsir qısamüddətlidir.

Həkimin aydınlaşdırdığı kimi, aclıq və toxluq hissindən məsul olan qrelin və leptin hormonlarıdır. Onların tarazlığı pozulduqda beyin bədənin kifayət qədər kalori aldığını vaxtında anlamır. Nəticədə insan toxluq həddini hiss etmədən yeməyə davam edir.